Informarvos de que xa se publicaron as ordes que regulan o proceso de admisión e acceso para as ensinanzas que se imparten na EASD Mestre Mateo de cara ao vindeiro curso académico 2026/27:
- Ciclos: https://www.edu.xunta.gal/portal/node/49813
- Graos: https://www.edu.xunta.gal/portal/node/49689
CUESTIÓNS IMPORTANTES
Novidades para completar o proceso de inscrición: hai unha parte que se realiza de xeito electrónico en www.edu.xunta.es/eas e a continuación outra presencial nas secretarías das escolas (imprescindible para confirmar a matrícula).
PROCEDEMENTO DE INSCRICIÓN (tanto para graos como para ciclos)
- Con carácter xeral, farase en www.edu.xunta.es/eas, empregando o certificado dixital ou sistema de Chave365 (https://sede.xunta.gal/chave365).
- As persoas aspirantes que só dispoñan de pasaporte deberán realizar a inscrición nas secretarías das escolas.
- As persoas solicitantes que non posúan nacionalidade española e non dispoñan de documento nacional de identidade (DNI) ou número de identidade estranxeiro (NIE) deberán acceder ao formulario de inscrición directamente nos centros onde desexen cursar as ensinanzas.
- IMPORTANTE PARA COMPLETAR O PROCESO DE INSCRICIÓN ÁS PROBAS: Unha vez inscritos a través de www.edu.xunta.es/eas, para completar o proceso de inscrición DEBERASE PRESENTAR COPIA IMPRESA E ASINADA DA SOLICITUDE NA SECRETARÍA da escola de arte e superior de deseño na que se vaia realizar o acceso ou, se solicita o acceso directo, na escola onde se queren cursar os estudos sinalados como primeira opción.
Resume dos puntos clave:
1. Ensinanzas Artísticas Superiores de Deseño: Graos en Deseño
- Prazo de inscrición: 28 de abril ao 5 de xuño.
- Modalidades de acceso:
- Acceso directo: Só para persoas que conten cun Título Superior de Artes Plásticas e Deseño.
- Mediante proba específica: é a mesma proba para tódalas especialidades.
- Titulacións dispoñibles na EASD Mestre Mateo:
- Grao en Deseño de Moda.
- Grao en Deseño de Produto. Itinerario Xeral.
- Grao en Deseño de Produto. Itinerario DUAL en Xoiaría e Complementos.
- Máis información: https://easd.es/aberto-o-proceso-de-admision-e-acceso-as-ensinanzas-artisticas-superiores-para-o-curso-2026-27/
2. Ensinanzas Profesionais de Deseño: Título de Técnico Superior en Deseño
- Prazo de inscrición: 8 de maio ao 12 de xuño.
- Modalidades de acceso:
- Acceso directo. Persoas que teñan algunha das seguintes titulacións:
- Bacharelato na modalidade de Artes, ou de bacharelato experimental.
- Técnico Superior de Artes Plásticas e Deseño.
- Título Superior de Artes Plásticas ou Título Superior de Deseño.
- Título Superior de Conservación e Restauración de Bens Culturais.
- Licenciatura ou Grao en Belas Artes.
- Arquitectura ou Grao en Arquitectura.
- Enxeñaría Técnica en Deseño Industrial ou Grao en calquera especialidade de Deseño Industrial.
- Mediante proba específica: é a mesma proba para tódalas familias profesionais.
- Mediante proba substitutiva de requisito de bacharelato + proba específica:
- As persoas maiores de 19 anos que non cumpran os requisitos anteriores poderán realizar a proba substitutiva de titulación de bacharelato e, a continuación, se a superan, realizar a proba específica.
- Acceso directo. Persoas que teñan algunha das seguintes titulacións:
- Titulacións dispoñibles na EASD Mestre Mateo:
- CFGS en Fotografía.
- CFGS en Técnicas Escultóricas.
- CFGS en Xoiaría Artística.
- Modular: Taller de Dourado e Prateado.
- Máis información: https://easd.es/convocado-o-proceso-de-admision-e-acceso-aos-ciclos-de-artes-plasticas-e-deseno-para-o-curso-2026-27/
Para calquera dúbida técnica ou pedagóxica sobre estas titulacións podedes consultar no correo: escola.arte.mestre.mateo@edu.xunta.gal