O pasado martes, 7 de abril, o IES A Pontepedriña acolleu unha interesante charla sobre emprendemento impartida pola Cámara de Comercio de Santiago de Compostela. A actividade estivo dirixida ao alumnado de formación profesional, co obxectivo de achegarlles unha visión práctica do mundo empresarial.
Durante a sesión, fíxose fincapé na importancia de que calquera negocio conte cun elemento diferenciador que o faga destacar. Así mesmo, destacouse o valor do traballo en equipo como unha peza clave para o desenvolvemento de proxectos sólidos e sostibles.
Outro dos aspectos tratados foi a relevancia de levar as ideas á práctica: unha boa idea, por si soa, non abonda se non se desenvolve axeitadamente. Neste sentido, subliñouse o papel fundamental da persoa emprendedora á hora de darlle forma e convertela nun proxecto real.
Finalmente, insistiuse na necesidade de coñecer e adaptarse ao público obxectivo, xa que isto incrementa notablemente as posibilidades de éxito de calquera iniciativa empresarial.
A Cámara de Comercio ofrece apoio a persoas emprendedoras de todas as idades que conten cun proxecto, dándolles asesoramento e acompañamento no seu camiño empresarial.
Podedes consultar máis información sobre as actividades da Cámara na súa páxina web: